Іздестіру формасы

Министр

Дата размещения: 23.08.2017 - 0:42
Дата последнего обновления: 03.07.2018 - 18:27

Кәлетаев Дархан Аманұлы

1972 жылы Шығыс Қазақстан облысында дүниеге келген.  

Шығыс Қазақстан мемлекеттік университетін «тарих» мамандығы бойынша, Мемлекеттік басқару ұлттық жоғары мектебін «мемлекеттік басқару менеджері» мамандығы бойынша тәмамдаған. Саяси ғылымдарының докторы.

Еңбек жолын 1995 жылы ҚР Министрлер Кабинеті Тілдер комитетінің маманы ретінде бастаған. Әр жылдары Білім және мәдениет; ақпарат және қоғамдық келісім министрліктерінің құрылымында қызмет атқарды.  

2001-2002 жылдары ҚР Мәдениет және қоғамдық келісім министрлігінің ішкі саясат департаменті директорының орынбасары, одан кейін ҚР Ақпарат және қоғамдық келісім министрлігінің жастар саясаты департаментінің директоры болып жұмыс істеді.

2002 жылдан бастап - ҚР Президенті Әкімшілігінде сектор меңгерушісі, Ішкі саясат бөлімінің меңгерушісі, Әлеуметтік-саяси бөлім меңгерушісі, Мемлекеттік бақылау және ұйымдастыру бөлімінің меңгерушісі лауазымды қызметтерін атқарды.

2007-2008 жылдары – ҚР Президент Әкімшілігі Басшысының орынбасары, 2008-2009 жылдары - «Нұр Отан» ХДП Төрағасының бірінші орынбасары, 2009-2016 жылдары - «Самұрық-Қазына» ұлттық әл-ауқат қорының басқарушы директоры қызметтерін атқарды.

2016 жылдың қазан айында Қазақстан Республикасы Президентінің Жарлығымен ҚР Парламенті Сенатының депутаты болып тағайындалды.

2018 жылғы 4 сәуірде Қазақстан Республикасы Президентінің Жарлығымен Қазақстан Республикасы Дін істері және азаматтық қоғам министрі болып тағайындалды.

2018 жылғы 3 шілдедегі Қазақстан Республикасы Президентінің Жарлығымен Қазақстан Республикасының Қоғамдық даму министрі болып тағайындалды.

«Құрмет» және «Парасат» ордендерімен, сондай-ақ, «Астананың 10 жылдығы», «Қазақстан Республикасының Тәуелсіздігіне 25 жыл» мерейтойлық медальдарымен марапатталған.